AGIR chama a respaldar a candidatura de NóS-UP

De AGIR, organizacom do estudantado da esquerda independentista, queremos anunciar o nosso apoio à candidatura da organizacom política NóS-Unidade Popular às eleicons ao Parlamento Europeu. A nossa organizacom já mostrou a sua aposta pola lista de NóS-UP colaborando activamente na recolha das 20000 assinaturas que figérom possível a candidatura independentista nas eleicons de 13 de Junho.

Neste momento de falsa democracia em que o Estado ilegaliza forcas populares, o nosso país necessita umha voz própria de resistencia, que construa Galiza com atitude honesta e sob os valores de identidade nacional, da esquerda e feministas. Apelamos ao voto para umha candidatura em que o estudantado e a juventude que combaterom nas ruas galegas as reformas educativas do Partido Popular tem um papel protagonista.

É por isto que, seguindo umha resolucom da nossa IV Assembleia Nacional, e pola ética e coerencia de NóS-UP com o povo trabalhador galego, fazemos um chamado ao conjunto da mocidade e estudantado galego para respaldar a candidatura da esquerda independentista galega, a candidatura de NóS-UP.

Galiza Livre na Europa!
Vota independentista, vota NóS-UP!

Galiza, Junho de 2004