[Ast] El Día de la Mocedá Revolucionario 2011 va a cellebrase en Llangréu.

Una vegada más la organización xuvenil Darréu ta entamando'l Día de la Mocedá Revolucionario. L'eventu, qu'integra actividaes polítiques reivindicatives, culturales o festives y qu'homenaxea a la Revolución Asturiana d'ochobre de 1934 va tornar a cellebrase un añu más, esta vegada en Llangréu. Los díes que van comprender estes xornaes alredor de la memoria revolurionaria de 1934 y la reivindicación de la mocedá d'Asturies d'anguañu van ser el vienres 21 y el sábadu 22 d'ochobre. Esti añu ye especial yá que'l yá tradicional Conciertu "Asturies nun escaez" va cumplir la so décima edición. Pa esti añu búscase potenciar la escena musical asturiana, polo que'l cartelu del conciertu va ser dafechu alredor d'esta escena, con dellos grupos asturianos. Hasta'l momentu tan confirmaos los grupos IRA Hardcore, dende Noreña y Llangréu, y los tamién llangreanos y yá míticos Escuela de Odio. Nos díes vinientes asoleyarase más información alredor del DMR'11 y de toles actividaes qu'inxerta'l programa d'esti añu col envís d'informar a toles persones interesaes en participar nestes xornadas de compromisu col proyeutu de la izquierda soberanista na estaya xuvenil. Vidiu promocional:

www.darreu.org