Asteburu honetan emakumeen aurkako sei eraso eman dira Nafarroan

Asteburu honetan emakumeen aurka egindako delituengatik Foruzaingoak sei pertsona atxilotu ditu. Hain zuzen ere, lau pertsona atzeman dituzte tratu txarrengatik, eta beste bat urruntze-neurri bat urratzeagatik, babestutako emakumearen ibilgailu berean zihoanean. Era berean, Fustiñanako 20 urteko gizon bat atxilotu dute, pisukidea komunean grabatzeagatik. Biktimak babes-agindu bat eskatu zuen salaketa aurkeztearekin batera.