ePub
pdf
Ceivar apela à emigraçom galega para a Solidariedade Económica urgente com os presos
O organismo popular anti-represivo precisa de modo iminente neste mês de Abril a quantidade de 5800 euros para abonar em Madrid. O conceito que gera este desembolso económico é a realizaçom dumha peritagem legal imprescindível no processo judicial em que estám imersos os patriotas galegos Santiago Vigo e José Manuel Sanches, actualmente presos e dispersados por participar na luita contra a destruçom da nossa costa por empresas imobiliárias e construtoras. Fazemos umha chamada pública à solidariedade da emigraçom galega com os militantes repressaliados e à participaçom colectiva na sua defesa ante os tribunais de excepçom de Espanha através da donaçom de recursos económicos.
Segundo informaçons facilitadas pola Equipa Jurídica do organismo, se finalmente se determina a competência da ‘Audiencia Nacional’ para processar José Manuel Sanches Gorgas e Santiago Vigo Domingues –algo que é absolutamente provável apesar da batalha legal estabelecida neste sentido polos nossos advogados-, o juízo poderia fixar-se para finais de 2009 ou princípios de 2010 com condenas que podem ultrapassar os 12 anos de prisom. Para além da incerteza das datas, a realidade é que a defesa jurídica de ambos patriotas implica um desembolso continuado de fundos que agora se agudiza com a realizaçom dumha peritagem técnica e o desembolso anunciado.
Mais umha vez, recorremos à sempre efectiva solidariedade comunitária de galegas e galegos para fazer frente a umhas quantidades cujo abono é urgente e imprescindível, como dixemos, para defender os militantes presos nas melhores condiçons possíveis ante os tribunais de excepçom. Temos aberta a Conta Nacional 2091 0395 21 3040001337 na entidade financeira Caixa Galicia através da que as pessoas e colectivos solidários na emigraçom podem fazer as suas achegas económicas. Solicitamos que junto aos ingresos realizados se anexe o conceito ‘Peritagem Madrid’ ou ‘Peritaxe Madrid’.
Anonimato garantido
A realizaçom do ingresso por colectivos ou particulares nom precisa necessariamente da identificaçom ante a entidade bancária da pessoa ou grupo que realiza a achega económica. De Ceivar comprometemo-nos a destinar a totalidade dos ingressos obtidos sob este conceito ao abono da citada peritagem. Animamos a todos os portais galegos na emigraçom a reproduzir esta informaçom e somar esforços na defesa colectiva dos patriotas galegos que neste momento enfrentam a prisom, a dispersom e, desde 10 de Fevereiro, o isolamento permanente e continuado.
AVANTE A SOLIDARIEDADE GALEGA!
LIBERDADE PRESOS INDEPENDENTISTAS!
DISOLUÇOM DE A ‘AUDIENCIA NACIONAL’!
