Crónica y semeyes manifestación pola oficialidá de la llingua asturiana
Esti añu la manifestación pola oficialidá camudó el recorriu con cierta polémica al sollicitar dos entidaes: Xunta pola Defensa de la Lllingua Asturiana (XDLA) y Andecha Astur, el trayectu que venia faciendo hasta la fecha la manifestación que organiza XDLA.
A pesar de esto la rempuesta fue masiva. Unes 5000 persones caleyaron les cais el 6 de mayu en Uviéu glayando "Oficialidá".
XDLA espresose con pallabres rotundes tres acabar l'actu. Les midíes tomaes por esti gobiernu en política llingüística son, pa XDLA, "curties y bien tardones y fáennos ver un día tres d’otru que toles bones voluntaes acaben afrellándose contra la muria de la llegalidá, de tal manera que l’usu del asturianu siempre ye una gracia que nos faen; nunca una fonte de derechos".
La llucha pola nuesa llingua sigue p'alantre! Oficialidá!