Hiru langile hil dira azken hiru egunetan eta zortzi urtea hasi zenetik

Gaur, urtarrilaren 19an, Arabako suhiltzaileek jakinarazi dute langile bat hil dela Urizaharren, Santutis harrobian konkretuki, lan istripu batean eta istripuaren arrazoiak oraindik ez dira jakinarazi.

Ostegunean, Errenterian, langile bat lau solairuko altueratik erori eta bertan hil zen. Langilea Proteclan enpresan egiten zuen lan, eta segurtasun-sareak jartzen zituen.

Astehazkenean, lanean kamioia gidatzen zihoan garraiolari bat izan zen zendutakoa. N-121 errepidean gertatu zen ezbeharra, Cadreita parean. Egun horretan elkarren kontrako noranzkoan zihoazen zisterna kamioi batek eta garabi kamioi batek aurrez aurre jo zuten, oraindik argitu ez dituzten arrazoiak direla medio. Istripuan, hil egin zen garabi ibilgailua gidatzen zuen gizonezkoa, 59 urte zuena. Bestalde zisterna kamioiaren gidariak zauriak egin zituen.

Hau kontuan izanda, 8 langile hil dira Euskal Herrian urtea hasi zenetik.