Requiem por umha Casa Encantada

Hoje 5 de Agosto de 2003, a Casa Encantada do Castrom D’Ouro de Compostela foi derrubada com o consentimento da Justiza e do governo municipal do partido especulador P$OE.
Umha vivenda que, segundo o Concelho reconhece no primeiro censo, já estava habitada aló polo 1845 e o seu berce presume-se anterior a 1800 estando moi relacionado com o Caminho, em concreto com a Ruta do Vinho. De feito as outras vivendas ubicadas na zona estam consideradas como bem patrimonial a conservar, e muitas tenhem aspecto de ser mais novas que a Casa Encantada. Isto nom importa aos especuladores, a Casa ficava numha parcela que precisam para poder especular na zona, para construir vivendas de lujo e um aparcadoiro público de cáracter privado (dissos que se construem com cartos de todas e despois é negocio para uns poucos); de ter estado ubicada uns metros mais abaixo ou mais arriba ou simplemente doutro lado da beirarrua, a Casa Encantada seguiria em pe e nos seguiriamos nela.

A Casa Encantada fora cedida á Igrexa por os propietários com a condicom de que fosse usada exclussivamente para fins sociais, de feito pasou a ser durante muito tempo escola unitária a Milagrossa. A especulacom, os cartinhos, foi o que motivou á Igrexa a vender a Casa a umha inmobiliária, rachando o acordo de cessiom para uso exclussivo de bem social e pesse a que tinham com nos um contrato oral que nom caducava até dentro de 3 anos, segundo o qual nos rehabilitamos a vivenda que a Igrexa abandoara dende que fechou o Colegio para dar-lhe o uso sócio-cultural que fixo da Casa Encantada um lugar único durante case 12 anos. A especulacom, os milhons, foi o que motivou a creacom da empresa "Construciones Iglesias" com apoio financieiro das Koplowich para reurbanizar a zona e derrubar a nossa casa. A especulacom, os cartos, foi o que motivou que o Concelho trampeara o patrimonio cultural e fixera desaparecer a Casa Encantada da mesma. A especulacom, o poder económico e o poder da Alcaldia foi o que motivou que umha juiza se decantara por obviar todo o que nos presentamos como defensa da Casa e sem agardar a decissom dum tribunal de maior rango dera permisso á "Destructora" para derrubar este bem cultural e patrimonial hoje tristemente desaparecido.

As 6 e media da manhá, duas palas, dous palistas e um feixe de paramilitares contratados por a inmobiliária procederom ao derrube da Casa, ilegalmente as palas tiram com todo sem valhar a zona, sem presencia da policia municipal, sem retirar os veículos legalmente aparcados e sem cortar o abastecemento da auga provocando umha riada quando umha das palas rachou a canheria, ilegalmente os gardas privados armados des-ordenam o tráfego, dum jeito tam absurdo que, em troques de avissar ás conductoras do perigo de circular por aí, o que fam é suplantar as funcons da policia municipal e limitan-se a proibir aos carros circular por um vial quando estos já superarom a zona perigossa, ilegalmente estos paramilitares ficam armados e apostados polas ruas e beirarruas que rodeam o recinto da Casa Encantada realizando labouras da policia espanhola. E quando escrebo isto uns camions estám retirando ilegalmente a terra sem ter feito prospecons e com consentimento da policia municipal que sendo avissada de tal ilegalidade nom parou tal actuacom totalmente ilegal.

Umha vez mais o poder económico, o poder judicial e o poder municipal aliados da mam, especulam quitando ao povo o que era do povo para passar as mans duns poucos ricachos apodrecidos de quartos.

A raiba e a impotencia de ver como assassinam impunemente a vontade daqueles antiguos moradores que cederom á Igrexa a Casa para que tivera exclussivamente um uso social. O malestar de ver como uns paramilitares defendem a propiedade, já privada e em mans do especulador. O noxo de ter coma Alcalde um home que despreza ao tecido socio-cultural da cidade e só sabe usar a violencia e a mentira contra nós. A comprobacom de que a Justiza só se pom de parte do dinheiro e nom nos comunica com tempo as notificacons, em tanto filtra a algum medio a noticia. Todos eles, nom vam poder contra nós. Somos muitas e com muitas ganas de seguir trabalhando social e culturalmente dende a base, junto ao povo, pois nós somos povo e como tal seguiremos luitando contra as injustizas e os desmans dos poderosos que se arrogam o dereito a fazer o que lhes pete, especulando e actuando ilegalmente com consentimento e apoio de quem deberia proteger á sociedade destes delinquentes.

A CASA ENCANTADA CONTINUA. NOM PASSARAM.

más info en http://www.causaencantada.org
todas las fotos en http://www.causaencantada.org/novas/breve.php3?id_breve=24