Sei adingaberi sexu-erasoa egin dizkiete bi gizonek Galdakaon

37 eta 21 urteko bi gizon atxilotu dituzte Galdakaon (Bizkaia), sexu-erasoak eta intimitatearen aurkako delituak leporatuta. Gutxienez sei adingaberi opariak eskaintzen zizkieten sexu-harremanak izatearen truke, Segurtasun Sailak jakitera eman duenez.

 Antza denez, erasoak 2023ko otsailean hasi ziren ematen, gainera, batzuetan, biktimak ustez behartuak izan ziren bi inplikatuen arteko edo haiek beste adingabe batzuekin izandako sexu-harremanak ikustera, eta sexu-harremanak ere grabatzen zituzten.

Hala, 2023ko azaroan, horietako bat atxilotu ahal izan zuten, Galdakaon bizi zena, eta asteazken goizean, bigarrena atxilotu dute, hori ere Bizkaiko udalerri horretan. Atxilotuei konfiskatutako material informatikoa eta gailu elektronikoak aztertzen ari dira.

Jakinarazi dutenez biktima gehiago egon daitezkeela. Horregatik, salaketak aurkeztea gomendatzen dute, biktimen kopurua zehazteko.